✨ ماذا قالوا عن سعاد... السندريلا التي ذهبت مع دقات منتصف الليل ولم تعد...
وكل ما يمكن أن يُقال عن امرأة... كانت أكبر من الزمان والمكان.
🌟 فاتن حمامة سيدة الشاشة وصفتها ببساطة:
"سعاد... من أحلى وأجمل الممثلات... ومن ألطف الوشوش اللي تتحب على الشاشة."
ومن كبار رموز الفن:
🌟 يوسف شاهين مخرج الكبار قال:
"كانت عندها طاقة تمثيل نادرة... ملامحها تتحول من ضحك طفولي... لبكاء من القلب... في ثانية واحدة."
.jpg)
🌟 أحمد زكي الذي شاركها الألم قبل الفن قال:
"مفيش ممثلة من جيلها... ولا اللي بعده... قدرت توصل للإحساس اللي كانت بتوصله سعاد... كانت مدرسة."
🌟 ليلى مراد صاحبة الصوت الدافئ أضافت:
"أنا من الناس اللي معجبة بسعاد جدًا... وجهها جميل... وتؤدي بشكل رائع... تمثل... تغني... تضحك... تبكي... بتعمل كل شيء بإتقان."
🌟 الدنجوان رشدي أباظة قال عنها:
"سعاد كانت طاقة حياة... ضحكتها حقيقية... وعفويتها هي اللي خلت الناس تحبها بالشكل ده... كانت نجمة بمعنى الكلمة... وبدون تكلف."
وفي مرة لما اتسئل مين أكتر ممثلة بترتاح قدامها في التمثيل، قال:
"سعاد حسني... لأن معاها المشهد بيكون حي... بتخليك تصدق... وتعيش اللحظة... حتى لو مش حافظ الدور."
وعن فيلم "صغيرة على الحب" قال:
"عُمري ما فهمتها .. كنت دايما اسأل ازاي الليدي الصغيره دي سابت بصمات مختلفه عند الناس ، كانت ليها خلطه غريبة ما بين الاغراء و الطفولة ، كانت دايماً بتخضني لما كنا بنعمل فيلم (صغيرة على الحب) كانت تلبس لبس الطفلة سميحة أبصلها طفلة يا جدعان تقعد تتنطط .. تعمل مقالب فيا في نيازي مصطفى و تدي روح طفولة للمكان بعدها بعشر دقايق تدخل جوه و تطلع ألاقي أجمل ست في الدنيا خارجة علينا بفستان هي اللي محلياه .. هي ليدي بروح طفلة "
🌟عزت العلايلي قال:
"الناس مفهموش سعاد بشكل كبير... وظُلمت من البعض... لكنها قيمة فنية كبيرة جدًا."
.jpg)
🌟 الفارس النبيل أحمد مظهر... تحدث عن سعاد حسني قائلا :
"سعاد حسني... كانت ممثلة بالفطرة... لا تتصنع... ولا تعرف المبالغة... تدخل المشهد كأنها داخلة لحظة حقيقية من حياتها... وده كان سر حب الناس لها."
وأضاف بكلمات نابعة من خبرة ممثل مخضرم:
"كنت دايمًا لما أمثل قدامها... أحس إني واقف قدام طاقة حياة... عندها قدرة غريبة إنها تحسس أي ممثل قدامها إن المشهد حقيقي... وإن كل مشاعرها صادقة... وكأنها بتعيش اللحظة... مش بتمثلها."
وفي لقاء صحفي آخر، لخصها أحمد مظهر بجملة مؤثرة:
"سعاد كانت زي النسمة... مفيهاش ذرة تصنع... واللي عرفها بعيدًا عن الكاميرا... يعرف قد إيه كانت بنت جدعة... طيبة... وبريئة... زي ضحكتها اللي كانت بتنور الشاشة."
واختتم وصفه لها قائلاً:
"هي رمز العفوية... البساطة... والصدق في الأداء... مدرسة لن تتكرر."
🌟 الشاعر الكبير كامل الشناوي
اترككم مع باقه من اجمل لقطات السندريلا
ليست هناك تعليقات:
إرسال تعليق