بيتزا الكيتو
البيتزا دي مناسبة للأشخاص الي بيتبعوا نظام الكيتو او الي عندهم حساسية جلوتين وكمان عالية في البروتين
قاعدة البيتزا هتكون من دقيق اللوز والدجاج
المكونات:
صدر دجاج مخلي
بيضة صغيرة
٤ معالق دقيق اللوز (دقيق اللوز عبارة عن بنجيب لوز من غير ملح ومش متحمص ونطحنه)
ملح وثوم بودرة وفلفل اسود وأي بهارات حبينها
مغرم الدجاج ني بعد كده نبدأ نضيف عليه باقي المكونات ونفرد الخليط في صينية مدهونة زبدة وشكلوها زي ما انتوا عايزين بس كل ما كانت رقيقة هتاخد وقت اقصر في الفرن هتدخل الفرن على درجة حرارة ١٨٠ لمدة ١٥ دقيقة
الصلصة عبارة عن:
على النار نحط قطعة سمنة او زبدة صغيرة ونقلب فيها طماطم معصورة ونسيبها على نار متوسطة لحد لما تبقى صلصة وبعدين نضيف عليها فلفل اسود وملح وزعتر
هنطلع البيتزا بعد ١٥ دقيقة و نحط عليها الصلصة وممكن نحط فلفل ألوان او زيتون زي ما نحب
هتدخل الفرن١٠ دقايق وقبل ما اخرجها ب٥دقايق نحط عليهاجبنة موزاريلا او أي نوع جبنة بنحبه
وبالهناا
.jfif)
ليست هناك تعليقات:
إرسال تعليق