نصائح الدكتورة نجلاء فتحي للمحافظة علي جمالك خلال العام الدراسي

نصائح الدكتورة نجلاء فتحي للمحافظة علي جمالك خلال العام الدراسي

خلي جمالك يبان مع يوم دراسي طويل

نصائح الدكتورة نجلاء فتحي للمحافظة علي جمالك خلال العام الدراسي

ازاي تحافظي علي نضارة بشرتك وصحة شعرك في يوم دراسي طويل وخصوصا انهم بيتعرضوا لعوامل كتير بتاثر عليهم اثناء ذهابك للجامعة او المدرسة 

الدكتورة / نجلاء فتحي استشاري العلاج التجميلي للجلد بالليزر بتقدملك سيدتي مجموعة من النصائح اللي بتساعدك علي المحافظة علي جمالك خلال يوم دراسي طويل 

👈لو جينا اتكلمنا عن الشعر هنلاقي ان اول حاجة بيتاثر بيها هو التوتر و الضغط النفسى فهو من اقوى الاسباب اللى بتؤدى لتساقط الشعر عشان كده دايما ابعدى نفسك عن اى ضغط عصبى اثناء الدراسه خصوصا وانتى فى فترات الكليه .

- كمان كثره استخدامك لمستحضرات التجميل الخاصه بالشعر قد تؤدى لتلف و تساقط الشعر خصوصا لما تنزلي فى وقت الظهيرة نتيجه لتفاعل المستحضرات مع الجو واشعه الشمس فخلى بالك وانتى بتستخدمى مستحضراتك و كميتها .

- ودايما حافظى على توازن اكلك وحصولك على الفيتامينات المتكامله و اللى بيحددها طبيبك الخاص و ده لصحه شعرك و الحفاظ على رونقه 

👈 ولما نيجي نتكلم عن البشرة هنلاقي برده ان التوتر العصبي الحاد بياثر علي بشرتك لانه بيتسبب في توسيع الشعيرات الدموية، وده بيزيد من تدفق الدم إلى خلايا البشرة وبيؤدي الي احمرار البشره المستمر كمان ممكن يتسبب فى التهابات البشره وصولا للاكزيما

- عدم اعتناءك ببشرتك و عدم ترطيبها ممكن يسببلك مشاكل زى جفاف البشرة وانسداد المسام و ظهور الحبوب عشان كده لازم تاخدي بالك من بشرتك وتعتني بيها 

- كترة السهر بيحرم بشرتك من الاستفادة القصوى من الكريمات ، اللى بتظهر فائدتها وفاعليتها علي بشرتك اثناء النوم 😴

 - وخصوصا كمان ان إفراز هرمون النمو في الاساس بيبقى في وقت النوم وفي هذه الفترة تزيد نسبة " ترميم" وتجدد خلايا بشرتك واستعادة رطوبتها خلال النوم . فالسهر يعمل على تسريع شيخوخة الجلد عشان كدة حاولي تعودي نفسك علي النوم بدري عشان تحافظي علي نضارة بشرتك وجمالها 😃 

وفي النهاية هنلاقي ان التغذيه السليمه و البعد عن الاكل " الوجبات السريعه " المليئة بالدهون المتحوله والتى تصل خطورتها ليس فقط على البشره والشعر بل قد تصل الى حد السرطانات 

**وعشان كدة ونظرا لوجودك فترات طويله خارج المنزل بننصحك باخذ وجبتك المفضلة مليئة بالخضراوات الطازجه والزبادى للمحافظة علي جمال ونضارة بشرتك وصحة شعرك