طاجن مكرونة بالكبدة في الفرن

وصفة طريقة عمل وطبخ طاجن مكرونة بالكبدة في الفرن سهلة وسريعة ولذيذة

كلنا بنحب ناكل الطواجن دي في محلات الكشري بس حقيقي من اجمل الطواجن الـ عملتها طاجن المكرونه بالكبدة في الفرن و أحلي من بره بكتيير 😋

ممكن نعمله بلحمه مفرومه او سجق او كبد دجاج

المكونات والمقادير والطريقة لعمل طاجن المكرونه بالكبدة :

مكرونه أقلام مسلوقه سلقة خفيفه جدا يعني غلوه واحده بس ونطفي عليها تكون شبه نية

لعمل الكبده

في طاسه فيها زيت سخن نزلت بالكبده و عليها ( كمون فلفل اسود كسبره ناشفه )

مع التقليب وبعدين ضفت بصل مقطع صغير وتوم و فلفل اخضر

بس تقلبتين كمان و نظبط الملح و نطفي عليها

لعمل الصلصله 

هنصفر بصله مفرومه ناعم ونضيف عليها توم و نضيف معلقه كبيره صلصله و عصير طماطم

و ملح وفلفل وكمون و بهارات مشكله وبابريكا و رشه سكر

هنسبها لحد ما تتسبك و تكون جاهزه

دهنت الطاجن بالسمنة ضفت الكبده

وطبقه مكرونة و شويه من الصلصه

وطبقه مكرونة و اخر طبقه من الصلصه

غطيت الطاجن بورق القصدير و دخلته فرن ساخن حوالي 30 دقيقه

وبالهنا 😋😍
للمزيد من المواضيع زوروا موقعنا 👇
https://saidtyweb.blogspot.com/
تابعونا علي جروب الفيسبوك 👇
https://bit.ly/3D9X4uf