جددى وصفاتك و جربي كيك الزبادي بالليمون

 

كيك الزبادي بالليمون 

المقادير للكيك :
كوب ونصف دقيق لجميع الأغراض
2 معلقة صغيرة بيكينج بودر
نصف ملعقة صغيرة بيكينج صودا
نصف معلقة صغيرة ملح
كوب سكر
2 معلقة كبيرة برش ليمون
2 معلقة كبيرة عصير ليمون
3 بيضات
كوب ونصف زبادي خالي الدسم
لشراب الليمون :
ربع كوب سكر
ربع كوب عصير ليمون
للصوص الابيض:
نصف كوب سكر بودرة
معلقتين ونصف كبار عصير ليمون
لتزين الكيك :
شرائح الليمون
ربع كوب سكر
نصف كوب ماء
طريقة التحضير :
- في طبق كبير، اخلطي ( الدقيق، البيكنج بودر، البيكنج صودا، الملح ) وفي طبق تاني اخفقي ( السكر، برش قشر الليمون، 2 معلقة كبيرة عصير ليمون، البيض، الزبادي ) .
- باستخدام المضرب اليدوي اخفقي المكونات السائلة مع المكونات الجافة لحد ما الخليط يبقا ناعم.
- صبي خليط الكيك في قالب كيك مدهون بقليل من الزبدة ومرشوش بالدقيق، دخلي القالب في فرن محمي مسبقاً على درجة حرارة 180 حوالي 40-50 دقيقة اختبريه بغرز عود خشب ولو خرج نضيف يبقا استوا.
لعمل صوص شراب السكر : دوبي السكر مع عصير الليمون في حلة صغيرة على نار هادية، سيبية لمدة 5 دقائق، خرجي الكيك وسيبيه يبرد لمدة 10 دقائق وبعدين اعملي ثقوب في منتصف الكيك، صبي شراب السكر على سطح الكيك وعلى حواف القالب.
ارفعي الكيك من القالب وسيبيه يبرد على رف شبكي .
لعمل الصوص الأبيض : اخفقي السكر الناعم مع عصير الليمون لحد ما الصوص يبقا ناعم، وبعدين صبي الصوص على سطح الكيك
لتزيين الكيك : في حلة على نار هادية، ضيفي السكر والماء وشرائح الليمون لمدة 10 - 15 دقيقة أو لحد ما تبقا قشور الليمون شفافة، ارفعي شرائح الليمون من شراب السكر وسيبيها تبرد خالص وبعدين رصيها على سطح الكيك.
قطعي الكيك شرائح سميكة زي اللي في الصورة كده وقدميه.