طريقة عمل العيش الفينو

العيش #الفينو ، #الكيزر ، #القرص_بالقرفه
كل دا عجينه واحده
دي الخطوات اللي هيطلع بيها زي عيش المخبز بتاعنا
من اولها كدا محدش يخترع اللي بقوله هو بس اللي يتعمل
#المكونات
٤كوب دقيق
نص كوب سكر
معلقه كبيره ملح مش مليانه برضو
معلقه كبيره خميره ممكن نزود
معلقه كبيره زيت ومحدش يقول اما احط زبده احسن زيت بسسس
الميه ملهاش معيار زي ما العجينه تاخد
#الطريقه
نقلب المكونات كويس ونبدأ نضيف الدقيق واحده واحده لغاية ما تتماسك ولا تكون طريه ولا جامده ولو جامده احسن للناس اللي عندها عجان شغاله بيه
اهم حاجه في الموضوع كله انك تخدم العجين كويس يعني نعجن كويس جدا لغاية ما العجينه تنعم جداا
قبل ما العجينه تخدم ممكن نحط معلقة زيت ونكمل عجين وممكن لا عادي
نطلع العجينه نشرح العيش الاول
ونعمل منها قطعه كبيره ونقطع منها زي الصوره
ونفرد القطع دي
ونلفها
ونحطها في الصاج
ممكن نحط الرغيف في سمسم وممكن لا
تخمر ونشغل الفرن وندخل علي حراره ٢٨٠
كدا العيش خلص
#الكيزر هنقطعه
ونلفها علي طول زي الكور كدا طبعا فاهمين
ونحط سمسم علي الوش وسيبها تخمر وتدخل علي حراره ٢٤٠
#القرص بقرفه
نقطعها
ونفردها بايدينا فرده صغيره ونحشيها قرفه بسكر ونقفل براحه ونلفها زي الكيرز نخلص ونسيب القرص تريح شويه علشان لسه هنكمل شغل فيها
بعد ما تريح نجهز السمسم وندوس علي اللقمه في السمسم ونرص في الصاج بس اللقمه تدوس عليها علشان تتفرد شويه زي

شغل المحلات بقا مش بنحط القرص في سمسم بس
بنجهز سمسم علي سكر علي شويه زيت وندوس علي اللقمه في السمسم دا ونرص في الصاج
تخمر طبعا كويس وندخلها مع الكيزر علشان حرارتهم واحده لو في مكان يعني لها
تقعد من ١٢دقيقه ل ١٥دقيقه في القرن