كساديا الفراخ

كساديا الفراخ

المقادير :
خبز التورتيلا:
ربع كيلو دقيق ابيض
ربع كيلو دقيق ذره
5 جرام ملح
15 جرام سكر
250 مل ماء للعجن
حشو الفراخ:
30 مل زيت
صدر فراخ شرائح
30 مل زيت
100 جرام بصل شرائح
50 جرام صويا صوص
30 جرام وشيستر صوص
5 جرام ملح
5 جرام فلفل
200 جرام ساور كريم
100 جرام جبنه موتزاريلا
100 جرام جبنه شيدر
طريقة التحضير:

لعمل الخبز:
- فى الميكسر نخلط دقيق ابيض ودقيق اصفر وملح وسكر وزيت ونضيف ماء حبه حبه ونخفقهم مع بعض لحد الحصول على عجينه متماسكه طريه سهلة التشكيل ونقطعها على 6 كرات ونرش دقيق فى طبق ونرص فيه كرات العجينه ونغطيها ونسيبها ترتاح نصف ساعه
- على الرخامه نرش دقيق ونفرد كرات العجينه بالنشابه بسمك رفيع ونقطعها بشكل دائرى
- وفى طاسه ساخنه على النار نسوى الخبز على كل وجه دققتين ونحطه فى طبق ونغطيه

لعمل حشو الفراخ:
- فى طاسة على النار نشوح شرائح فراخ فى زيت ولما يتغير لونها نرفعها ونحطها فى طبق
-فى طاسة على النار نشوح بصل فى زيت ولما يدبل نضيف صويا صوص وشيستر صوص وملح وفلفل ونضيف الفراخ ونقلبهم مع بعض كويس

لعمل كساديا الفراخ:
- نجيب طاسه او صينيه ونفرد فيها الخبز ونحط فيه ساور كريم ونرش جبنه شيدر وجبنه موتزرايلا ونحط حشو الفراخ ونرش جبنه شيدر وجبنه موتزرايلا.
ونجيب طبقة من الخبز ونفرد عليه ساور كريم ونقفله زي الصورة.
- وندخل الصينيه الفرن على 200 درجه لمدة 10 دقائق تاخد لون بس.