سؤالين بيتكرروا كتير
هو ينفع ادرب علي خلع الحفاض في الشتا ؟!
الإجابة لو بيتك مجهز لكدة ماشي هينفع لو مش مجهز لأ ، و مجهز معناها ان بيتك طول الشتا درجة حرارته من ٢٥ ل ٢٧ يعني تدفئة شغالة طول الوقت و في كل البيت مش في مكان و مكان او اوضة و اوضة يعني البيت كله دفا و درجة حرارة ثابتة ، غير كدة انتي بتعرضي طفلك لقلع و لبس كتير و برد و بتكون التجربة عرضة اكتر للفشل بسبب البرودة
امتي ابدأ ادرب طفلي علي خلع الحفاض؟!
بصراحة الموضوع محتاج منك انك تراقبي علامات معينة في تطور طفلك هل هو بيعرف يقلع نفسه البنطلون ، هل بيتواصل معاكي هل ممكن يقول كلمة حمام بس علي الاقل ، هل بدأ يعي و يتدايق من البلل ، بيقدر يقعد فترة علي كرسي اكتر من دقيقتين ل ٣ بدون ميكون عايز يقوم و يزهق او يميل في جلسته
دي كلها مهارات غير كدة في قدرة نفسية مينفعش يكون طفل بيمر بتجربة صعبة زي سفر او تعب و نقوم فجأة داخلين علي خلع الحفاض و ياريت نحاول يكون في تمهيد كافي للدخول للمرحلة دي عشان في اطفال كتير بتتعب نفسيا من المفجأة و بترفض الموضوع
و عشان دا كله ميحصلش و لإن الموضوع محتاج قدرة علي التحكم في العضلات و محتاج تكون المثانة قادرة انها تتحكم كمان في وقت الإخراج يفضل نبدأ عند سنتين اذا كان الطفل مستعد للحركة و التواصل و نفسيته في حالة جيدة .
وفي حال السن كان اقل بتكون في فرص نجاح في بعض الوقت لكن علي الاغلب بتكون كمان فب انتكاسات لفترات طويلة و لاسباب كتير
ليست هناك تعليقات:
إرسال تعليق