طريقة عمل الكسكسي الأسكندرانى

 المقادير

كيلو دقيق أبيض منخول - حوالى 1 ونصف كوب ماء + ملعقة ملح - سمن

طريقة التحضير

 نضع الدقيق فى حلة كبيرة ونبدأ برش حبة الماء المملح ونفرك

ونستمر حتى يتشرب كل الماء حبة بحبة وهذه العملية تستغرق حوالى 20 دقيقة حتى نجد الدقيق لونه أصفر ولا يحتوى على دقيق

 نضع الغربال على وجهه أى بالعكس حتى لا تضطرين إلى حمله وكمان علشان ما يقعش على الكسكسى 

نبدأ بإنزال الكسكسى من الغربال وذلك بالتحريك المستمر فى كل الجهات

وهذه العملية تستغرق حوالى 15 دقيقة




 اللى معندهاش حلة مخصصة تملأ نصف الحلة ماء (ومتزوديش عن كدة علشان المية متوصلش للكسكسى) .

ثم نضع مصفاة مقاس الحلة (مقاس 28 تقريباً) ونسد الجوانب بالعجين المتبقى أو عجين الردة

 لما المية تغلى نضع الكسكسى فى الشاشة ثم نضعه على المصفاة ثم نغطى بصينية كبيرة لمدة 50 دقيقة على نار متوسطة

نشيل الكسكسى ونضعه فى حلة كبيرة ونضيف عليه ملعقة كبيرة سمن 

ونفرك تانى لما يبرد بنصف كوب ماء
 ننزل تانى من الغربال علشان الحبيبات تكون أكثر انفصالاً

نتركه يتهوى 10 دقائق لحد ما نغلى المية (بعد ما نزودها لأنها بتقص بالغليان)

 نأخذ نصف كمية الكسكسى ونضعه على النار بنفس الطريقة ولكن لمدة 30 دقيقة
 ثم هكذا نسوى النصف الآخر
 نضعه فوراً فى حلة ونضيف عليه سمن وبالهناء والشفاء
التقديم
يقدم ساخناً حلو مع السكر البودرة أو اللبن المحلى بالسكر 

تابعينا على الفيسبوك من هنا : https://www.facebook.com/saidty1/