21 نصيحه للديكورات الشقق الصغيره
ديكورات الشقق الصغيره
 |
| 21 نصيحه للديكورات الشقق الصغيره |
الاضاءة جزء أساسي من ديكور البيت وعامل رئيسي في الاحساس بمساحة الشقة لأنه كل ما بيكون الضوء أفتح وأكتر، كل ما هتحسي براحة أكتر وهتحسي كمان ان شكل بيتك أوسع.- الألوان الفاتحة من أكتر الحاجات اللي بتخلق بهجة وسعادة في البيت ودة لأنها بتساعد في دخول الضوء للبيت وبتخلي شكله أوسع. فيفضل انك تختاري الألوان الفاتحة للحيطان والعفش زي: اللون الأبيض والبيج واللون الأصفر والفستقي الفاتح والسيمون…الخ.
- المطبخ الأمريكي” من أكتر الحاجات اللي عليها طلب الفترة دي لأن شكله بيكون بسيط وأنيق وكمان بيديكي الوسع اللي انتي عايزاه لأنه بيكون مفتوح على الصالة.
- خليكي عملية في اختيارك للعفش..يعني مثلا ممكن تستخدمي الترابيزة اللي بتفتح وبتتقفل بدل السفرة لأنها بتكون خفيفة ومش هتاخد مساحة كبيرة من شقتك وممكن تنقليها لمكان تاني في حالة لو جالك ضيوف علشان مساحة بيتك تكون أكبر.
- قللي من استخدام الكنب في غرفة المعيشة لأنه بياخد مساحة كبيرة واستفيدي من المساحة الباقية بانك تحطي كراسي عادية.
- الكنبة اللي بتتحول لسرير بتكون مهمة جدا في حالات الضيافة لأنها بتشيل عدد كبيرمن الناس وبكدة استخدامك للكراسي اللي ممكن تزحملك الشقة هيكون أقل.
- العفش الشفاف من أكتر الحاجات اللي بتميز البيوت الصغيرة ودة لأنه شكله بيكون مختلف وبتدي انطباع بأن الشقة واسعة.
- استخدمي الأرضيات الباركيه أو السيراميك بدون سجاد لأنه بيضيق مساحة الصالة.
- النباتات من اكتر الحاجات اللي بتدي شكل مختلف وجميل للبيت وكمان بتدي للناظر شعور بوسع المكان.
- لو عندك أطفال، استخدمي سرير بدورين في أوض النوم بدل ما تشتري سريرين منفصلين..وبكدة شكل أوضتك هيكون أوسع.
- من أهم الحاجات اللي تستخدميها في الشقق الصغيرة، مساحات التخزين ودي بتكون معمولة عشان تحطي فيها كل حاجتك وغالبا بيكون مكانها تحت السرير.
- وجود المرايات الكبيرة في الغرف من أكتر الحاجات بتدي وسع للأوض وكمان بتسمح بدخول الضوء بشكل كويس.
- الرفوف المتثبتة على الحيطة بتكون مفيدة جدا في أوض النوم الصغيرة لأنها بتغنيكي عن الدولاب اللي بياخد مساحة كبيرة من الأوضة؛ الرفوف ممكن تحطي عليها كل كتبك واكسسواراتك وممكن كمان تعلقي عليها الهدوم، وبكدة هيبقى شكل أوضتك أنيق ومنظم ومساحته أكبر.
- الشماعات المتعلقة عالحيط بتكون مهمة جدا في أوض النوم لأنها بتوفرلك مساحة كبيرة ومبتاخدش مكان في أوضتك وممكن تعلقي فيها اكسسواراتك وجزمك كمان…وبكدة مش هتحتاجي تستخدمي دولاب ولا جزامة.
- دولاب المطبخ بيستهلك مساحة كبيرة وبيخلي شكله أضيق. علشان كدة أحسن حل ليكي أنك تعلقيهم بالشكل دة علشان يبقوا علطول قدام عنيكي..وبكدة هتضيفي لمسة جمالية لمطبخك كمان وهيبقا شكله منظم أكتر وأوسع.
- الدولاب بياخد مساحة كبيرة من غرفة النوم، فممكن تخصصي مكان لجزمك في جنب السرير ودة هيساعدك توفري فلوسك كمان.
- السلات المثبتة عالحيط بتكون مهمة جدا في الأوض الصغيرة وناس كتير بتستخدمها بدل الجزامة.
- لو دولابك صغير وهدومك كتير، ممكن تستخدمي شماعات مصنوعة من أنابيب “بي في سي” اللي بتكون مكانها ورا الباب. ودي بتكون مفيدة جدا في أوض النوم.
.jfif)
ليست هناك تعليقات:
إرسال تعليق