خضار الطاسة

وصفة مليانة فوايد وألوان وسهلة أوي ولذيذة للخضار مامتي بتعملها مع البطاطس والبطاطا ..

* المكونات :

- شرائح من الخضار ( زي الكوسة والجزر والبروكلي ) والبطاطس والبطاطا الحلوة

- شرائح من البصل والفلفل والطماطم

- شوربة ( أو ماء )

- ملح وفلفل وتوابل وزعتر ( حسب الرغبة )

* طريقة الطهي :

- هنقطع الخضار شرائح بحجم متوسط

- هنحطهم طبقات مع البصل والطماطم وممكن فلفل حار لو بنحبه مشطشط

- هنغطيهم لغاية نصهم أو أكتر شوية بشوربة

- هنغطي عليها ولما تغلي هنوطي النار ونضبط الملح والتوابل ونسيبها لغاية ما تستوي

- ممكن لو نوع خضار بيستوي في وقت أقل .. نحطه بعد نص وقت التسوية

- نقدر كمان نزود الشوربة تبقى صوص مع الخضار ونقدر نقللها ونخلي الخضار يتحمر من تخت في الآخر ..

- لو الشوربة نشفت ولسه الخضار مش مستوي نزود عادي الشوربة في نص الوقت

وممكن نضيف رشة من زيت الزيتون أو زبدة أو سمن بلدي

و نقدمها

وبالهنا 😋😍
للمزيد من المواضيع زوروا موقعنا 👇
https://saidtyweb.blogspot.com/
تابعونا علي جروب الفيسبوك 👇
https://bit.ly/3D9X4uf