فطاير تفاح صحية

 وصفة صحية ودافية ورايقة وسهلة جدًا

 عجينة سهلة التشكيل وبكمية زبدة أقل .. والنتيجة حلوة جدا

 المكونات :

- ٢ بيضة ( هنشيل نص صفار على جنب لدهن وش الفطاير )

- ٢ كوب دقيق قمح كامل .

- ٢ ملعقة كبيرة عسل .

- ربع كوب زبدة بدرجة حرارة الغرفة .

- ٢ ملعقة صغيرة باكينج بودر .

- فانيليا ورشة ملح .

- ٢ ملعقة ماء .

مكونات الحشو وطريقة التحضير  :

- هنقطع ٢ تفاحه حجم صغير قطع وسط .

- هنقلب عليهم ملعقة صغيرة ممسوحة قرفة و٢ ملعقة صغيرة نشا وعصير نص ليمونة و٢ ملعقة كبيرة عسل .

- هرفعهم ع النار وهضيف ليهم ربع كوباية ميه ..

- هقلبهم وهسيبهم ع النار تقريبا ١٠ - ١٥ دقيقة لغاية ما التفاح يدخل ف السوا وقوام الميه يتقل .

- هضيف رشة فانيليا وبقى جاهز هسيبه يبرد .

* طريقة التحضير :

- هنقلب الزبدة مع البيض والعسل والفانيليا .

- هنضيف الدقيق والباكينج بودر ورشة الملح .. هنقلب لغاية بس ما الدقيق يختفي ..

- غالبا العجينة هتحتاج نكملها بميه ..

- هنضيف ملعقة بملعقة .. لغاية ما العجينة تلم وتبقى طرية ..

- مش محتاجين نعجنها كتير خالص .

* طريقة التشكيل زي  مابتحبيها 

* المقدار بيعمل ١٦ واحدة صغيرة حجم القطايف أو ٨ دواير .

* بنعمل فتحة بالسكينة عشان تخرج بخار الصوص والفطاير متفرقعش

* بنقلب الصفار مع ملعقة حليب ورشة فانيليا .. وبندخلهم فرن سخن على ١٨٠ .. مش بتاخذ وقت وبتستوي .

* بنخرجها على شبكة أو حاجة عشان تتهوى من تحت وبتتقدم باردة أو دافية

وبالهنا 😋😍
للمزيد من المواضيع زوروا موقعنا 👇
https://saidtyweb.blogspot.com/
تابعونا علي جروب الفيسبوك 👇
https://bit.ly/3D9X4uf