بطاطس كروكيت محشية لحمة مفرومة
المقادير:كيلو بطاطس مهروسة
معلقة ثوم مفروم
بصل بودرة وبابريكا
ملح وفلفل
معلقتين بقسماط ناعم
معلقة دقيق كبيرة
للحشوة:
لحمة مفرومة متعصجة
لتغليف البطاطس:
دقيق
بقسماط
بيض
الطريقة:
نحط البطاطس المهروسة معاها الثوم المفروم والملح والفلفل والبصل البودرة والبابريكا ومعلقتين البقسماط والدقيق ونخلطهم كويس جدا وندخلهم الثلاجة ربع ساعة نطلعها نشكلها نعملها كور صغيرة في كل واحدة نعمل فتحة صغيرة ونحط فيها لحمة مفرومة ونقفلها كويس ونحطهم في الفريزر ربع ساعة ونطلعهم نحطهم في الدقيق بعد كدة البيض بعد كدة البقسماط ونحطهم في الفريزر ثاني ثلث ساعة ونحمرهم في زيت سخن او ممكن نشيلهم في الفريزر بعد خطوة البقسماط ونطلع منهم كل فترة وبالهنا والشفا..
وعلشان الكروكيت متفكش لازم نطلعها من الفريزر علي النار علطول مش نستناها تفك والزيت يكون سخن جدا ومنقعدش نقلب فيها وهي علي النار.
.jfif)
ليست هناك تعليقات:
إرسال تعليق