ترايفل فراولة

 ترايفل فراولة

المقادير:

بسكوت سادة

فراولة مقطعة شرايح

موز مقطع

كاسترد

مقادير الكاسترد:

٢ بيضة

نصف لتر لبن

نصف كوب سكر

ربع كوب نشا

٢ كيس فانيليا

الفراولة المقطعة شرايح هنحط عليها معلقة سكر كبيرة ونفضل نقلب فيها لحد ما يختفي السكر ونسيبها ساعتين في الثلاجة

طريقة الكاسترد:

بتحطي اللبن علي النار يدفي وفي بولة برة بتحطي البيض والسكر تضربيهم كويس لحد ما يبقي لونهم كريمي شويا ومعاهم الفانليا وبعد كدة حطي النشا معاهم تختلط كويس بيهم وخدي كبشة من اللبن الدافي اللي علي النار حطيها علي الخليط وقلبيهم كويس وحطيهم كلهم في باقي اللبن اللي علي النار وافضلي قلبي لحد ما يتقل واقفلي عليه.

طريقة الترايفل:

هنحط الفراولة في الجناب بتاعت الكاس ونحط البسكويت وعليها كاسترد ولازم يكون الكاسترد سخن وبعد الكاسترد طبقة من الفراولة والموز وتكرر الطبقات مرة كمان او حسب رغبتكوا وفي الاخر بنزينوا ببسكويت مطحون وبالهنا والشفا...