ينفع اتقل اللبن في الببرونة عشان يتغذي اكتر ؟!
عنده شهرين ممكن احط شوية سيريلاك علي الرضعة ؟!
اسقيه امتي مياه ؟! خلاص بلاش مياه اديله اعشاب امتي ؟!
طب اخفف لبن بقري و اديهوله امتي ؟!
ثانيا التزمي بالتوجيهات المكتوبة علي علبة اللبن قالك حطي ٢ مكيال حطي ٢ قالك ٣ حطي ٣ علي كمية المياه اللي يقولك عليها ، لإن انتي بتحاولي تشبهي بالرضعة دي لبن الأم اللي بيتكون من ٨٠% مياه فلا تخففي و ميشبعش ولا تتقلي و تعمليله امساك و غازات مستمرة
ثالثا بنشرب مياه في السادس زيها زي الأكل قبل كدة تبقي بتملي بطنه علي الفاضي و هتسببيله الم في المعدة و هتقللي لبنك لو كنتي بترضعي طبيعي مهي المياه بتاخد مكان في معدته زي اللبن، دا غير إنك ممكن غصب عنك تسببيله #تسمم_مائي اذا اخد مياه كتير
رابعا الأعشاب ، برضو بعد السادس وياريت لو مياخدش منها اصل الحكاية انك هتغلي مياه بالأعشاب و تديهاله ، فبرضو هتاخد مكان رضعة مهمة ليه و ليكي في انك تزودي ادرار اللبن لإن كل ما رضع كل ما زاد اللبن عندك
هقولك عشان دي فعلا علاجية و مستخلصة بتركيزات معينة تسمحلك انك تدي طفلك منها ٣ سم او ٥سم مرة او اتنين لفترة صغيرة و حسب ما الدكتور يقولك ، مش رضعة ٤٠ ولا ٦٠ سم تحل مكان وجبة بدون اي فايدة
خامسا #السيريلاك ، ينفع اتقل الرضعة بسيريلاك ، الإجابة لو من الشهر السادس او الخامس ممكن نعديها بس في البدايات لأ مهو سيرلاك دا هيبقي قمح و قمح ممكن يسبب حساسية لمعدة الطفل في البداية و ممكن يسبب إمساك و مغص و غازات لإنه اكل
طيب لو ابنك عنده ارتجاع ، و عشان كدة عايزة تتقلي الرضعة ، وقتها الاحسن تستشيري دكتور الاطفال اللي بتتابعي معاه و الأفضل انه هيكتبلك ادوية تعالج الإرتجاع و ان شاء الله مع الادوية بيتحسن جدا و بيرضع احسن
واخيرا ، مممممممممنننننننوووووووووع نهاااااااااااائي تخففي لبن البقري بمياه و تديه لطفل اقل من سنة لإن محتوي البروتين و الدهون فيه عالي جدا جدا و وارد جدا جدا يسبب حساسية للطفل
ليست هناك تعليقات:
إرسال تعليق