الروتين
١. من الساعة ٧ ل ٧ و نصف الصبح تبدأي تصحي الطفل حتي لو كان نايم متأخر عشان تقدري تظبطي نومة بالليل
و دا الأهم
و بنصحي علي الرضعة المعتادة إما طبيعي او صناعي .
٢. من ٨ ل ٩ وقت اللعب
٣. من ٩ ل ١١ مسموح بقيلولة
او بنكمل لعب
٤. الساعة ١١ و نص بنصحي البيبي و نديله رضعة كمان
٥. الساعة ١٢ ل ١ لعب تاني و يفضل يكون نفس اللعب اللي لعب بيه قبل النوم عشان يبدأ يركز
٦. من ١ ل ١ و نص بناخد وجبة من معلقتين ل ٣ من اي طعام بدأنا ندخله للطفل
٧. من ١ ل ٢ ممكن ننيم الطفل تاني او نخليه يكمل لعب
٨. من ٢ ل ٢ و نص بنرضع الطفل تاني
٩. و لحد الساعة ٤ بنكمل لعب كمان
١٠. من ٤ ل ٥ دي اخر قيلولة تديها للطفل خلال اليوم لو نام بعدها في اي لحظة مش هننام بالليل كويس
١١. الساعة ٥ و نص بناخد رضعة
١٢. و لحد ٦ و نص بنكمل لعب من تاني
١٣. الساعة ٧ بناخد وجبة طعام صلب تاني و يفضل يكون نفس الاكل اللي قدمناه اليوم دا
١٤. الساعة ٧ و نصف ناخد شاور و نعمل مساج للجسم كله بيريح البيبي و بيخلصه من التوتر و الغازات في البطن لو في مغص
١٥. الساعة ٨ بالليل الميعاد الذهبي للنوم المتواصل لازم قبل النوم يكون الطفل كان مبسوط و بيضحك وخداه في حضنك و سواء هتسيبيه ينام في اوضته او هتحطيه في سريرك خلي الإضاءة خافتة بس مش مضلمة ، شغلي صوت موسيقي هادية او قرأن بصوت منخفض جمبه لحد متتأكدي انه راح في النوم
ليست هناك تعليقات:
إرسال تعليق