مشروب اللبن الدهبي أو golden milk

 مشروب اللبن الدهبي أو golden milk 

مشروب الكركم ..

بيسموه اللبن الدهبي أو golden milk..

والحقيقة .. أول ما سمعت عنه استغربته جدًا خصوصا إني مش بفضل طعم الكركم في الأكل ..

لكن لما عرفت فوايده قررت أجربه .. ولقيت طعمه كمشروب مختلف تماما عن طعمه كتوابل في الأكل .. وحبيته جدًا ..

الكركم بيستخدم في الهند من مئات السنين كتوابل أساسية في الأكل لانهم بيعتبروه عشب طبي ..

الكركم مضاد للأكسدة ومضاد للالتهابات..

الكركم بيقوي الجهاز المناعي..

عشان الجسم يقدر يمتصه ويحقق منه أعلى استفادة.. بنحتاج نضيف رشة من الفلفل الأسود اللي فيه مادة البيبيرين اللي بتزود جدًا من نسبة استفادة الجسم للكركم ..

طريقة تحضير المشروب سهلة جدًا وفيها مرونة في الإضافات ..

• مكونات المقدار بيعمل كوبايتين :

- ملعقة صغيرة ونصف كركم ..

- طرف ملعقة صغيرة فلفل أسود ..

- ملعقة صغيرة كاكاو خام ..

- ربع ملعقة صغيرة قرفة..

- ربع ملعقة صغيرة زنجبيل .. لو في طازة يبقى جميل ..

- ممكن نضيف حبة من القرنفل أو الينسون النجمي أو الحبهان .. ( حسب ما نفضل النكهة )

- رشة ملح لإظهار النكهات ..

- اتنين ملعقة صغيرة عسل نحل أو دبس تمر للتحلية ..

- اتنين كوب لبن ( حليب ) ممكن حليب جوز هند أو حليب لوز..

• بنقلب كل المكونات مع بعض ونضيفهم للبن .. ونرفعهم على نار هادية .. ونعملها زي القهوة كدا ..

لما تبدأ تقلب من الجوانب .. يبقى كدا المشروب جاهز .. ممكن نصفيه وممكن نقدمه كدا زي القهوة بس أفضل نصفيه للأطفال ..

• طبعا نقدر نزود أو نقلل من طعم الحاجة اللي بنحبها في المرات اللي بعد كدا .. وممكن ملعقة الكاكاو نضيفها أو نستغنى عنها