١. هيأي له الظروف اللي تخليه يركز و يتعلم بشكل افضل يعني متبقيش بتحاولي تعلميه حرف جديد او نشاط او اغنية و انتي
مشغلة التلفزيون او مش منتبهة ليه و حاولي كمان توفريله
الامكانيات المناسبة للتعلم
٢. الغي نظام الأوامر ، لإن الأطفال حساسين جدا للأسلوب اللي بنكلمهم بيه و طول مبنحسسهم انهم مجبرين علي عمل الحاجة بيتدايقوا و قدرتهم علي التعلم بتقل بالتالي لازم يحسوا بالهدوء و التشجيع في اسلوب كلامنا
٣. خلي صبرك اكبر من طموحاتك ، يعني متتوقعيش دايما كل حاجة تصدر من الطفل تكون صح ١٠٠% او مثالية خليه يغلط عشان يتعلم و خلي عندك صبر تعيدي و تزيدي في النشاط او المعلومة كذا مرة و كل يوم عادي
٤. حبي وانتي بتعلمي واتميزي بالمرح و الفكاهة لو تاخدي بالك الطفل ممكن يتشد لفيلم او إعلان و يحفظه لإنه الحاجات دي بتتميز بالمرح و البهجة فبتخلي ذهنه يركز و يتفتح اكتر لأنه مبسوط و جاهز للتعلم و الإكتساب
٥. لو فعلا نفسك ابنك يكون احسن منك يبقي لازم تتعاملي معاه احسن مما كان اهلك بيتعاملوا معاكي يعني لو عندك نقاط ضعف حاولي متكرريهاش و تقولي محنا اتربينا كدة و محصلناش حاجة لإن لو فعلا محصلش حاجة مكناش هنفضل فاكرين الضرب او الصريخ لحد دلوقتي و بننكر انه مأثرش فينا عشان نبرر اللي بنعمله مع ولادنا
ليست هناك تعليقات:
إرسال تعليق