ازاى نسافر تركيا ببلاش !

Merhaba arkadaşlar💙😂

انهارده هقولكوا ازاي تسافروا تركيا ببلاش أو على حسابكوا بعد الحظر أن شاء 😍
أنا لقيت إن فى الجروب اتكلمتوا على المسلسلات و الافلام و الأغاني و أماكن و معالم فى تركيا و نتعلم تركي إزاي، قولت اشاركوا الموضوع اللي بقالي فترة بدور فيه و هو إزاي نسافر تركيا بقى 😍
أولا السفر ممكن يكون خمس حاجات :
_دراسة
_ تطوع
_ تبادل ثقافى
_شغل
_ سياحة

ازاى نسافر تركيا ببلاش !

1_ الدراسة:
فى حلين أول حاجة المنح و أشهرها منحة الحكومة التركية و دي بتكون للباكالريوس أو الماجستير أو الدكتوراه و بيكون ضمنها جامعات بتدرس بالتركي و جامعات بالانجلش، و المنحة دي بتفتح فى أول السنة و فتحت السنادي فى شهر يناير.
كمان فى تدريب للكليات فى الصيف فى مجالات زي الزراعة و العلوم بأنواعها و الاقتصاد و الاحصاء.
و برضو ساعات الأمم المتحدة بتقدم تدريبات هناك.

الحل التانى بقى تدرس على حسابك و ده طبعا ملوش شروط كتير زي المنح.

2_التطوع

ممكن تتطوعوا فى كذا مجال زي الخدمة المجتمعية أو التدريس خاصة الانجليزي (عشان زي ما انتوا عارفين فى تركيا الانجليزي مش منتشر أوي) أو خدمات بيئية و كمان خدمات للاجئين هناك و حاجات زي دعم حقوق المرأة و يتكون فى مدن مختلفة فى تركيا و كل برنامج ليه مده مختلفة .
و فى منظمات و مواقع كتير جدا بتعرض برامج تطوعية هناك فى منها ممولة و منها لا زي :

AIESEC منظمة
UK
UNESCO منظمة
Workaway
Love volunteers
Goabroad.com
Worldpakers.com
Oneworld356.org
Have a dream
Cadip.org
Gooverseas.com
For9a.com

و المواقع دى أغلبها بيقدم فرص تطوع على مستوى العالم كله مش تركيا بس✨

ازاى نسافر تركيا ببلاش !

3_ التبادل الثقافي
و ده بيكون يا إما برامج زي المنح و التطوع كده بتكون معروضة على مواقع زي مرجع أو فرصة، أو بتكون عبارة عن إن عيلة أو حد تركي يستضيفك فى بيته لمدة معينة و فى موقع مشهور جدا للموضوع ده اسمه Couchsurfing.

4_ الشغل
و ده من خلال مواقع توظيف زي لينكدان أو مواقع زي فرصة أو تكونوا انتوا بتابعوا شركات أو أماكن معينة عايزين تشتغلوا فيها و تتابعوها.

(و معلومة عرفتها من ناس عايشة فى تركيا إنهم هناك بيحبوا كل شخص يكون متخصص فى مجال واحد بس بس ده طبعا فى مجالات زي الطب و المحاماه و كده يعني لو لقوا دكتور بشري و بيشتغل فى صيدليه ممكن يقولوا عليه فاشل 😂)

5_ السياحة
و هنا برضو قدامكوا حاجتين إما تخططوا مع نفسكوا و تحجزوا كل حاجة بنفسكوا من على مواقع زي trivago أو agoda و أنا شايفة إن ده أمتع لأنكم كده هتعيشوا المغامرة و التوهان و تقابلوا مواقف أكتر تتعلموا منها و تستمتعوا بيها.
أو من خلال شركات السياحة بتحجزوا و تختاروا البرنامج.

أتمنى تكونوا استفادتوا شوية من البوست و إن شاء الله نسافر كلنا بعد الحذر😂💙💃

#volunteering


تابعينا على الفيسبوك من هنا